A revista dixital do IES do Castro de Vigo
Empeza o curso preocupados polas máscaras, así que o alumnado de 3º deseña os seus portamáscaras. Que ninguén perda a máscara. Que modelo prefires?
Este curso os proxectos son individuais, pero vemos como o noso alumnado de 3º de ESO amosa as súa faceta máis creativa neste conxunto de proxectos de mecanismos.
Sabela Vázquez Castro (2º ESO C)
O 14 de outubro, os nenos e nenas de 2º ESO C e 2º ESO D do IES do Castro desfrutaron dun obradoiro de regueifas organizado por Josiño, o célebre regueifeiro galego que vai de centro en centro amosando aos nenos a arte da regueifa.
Neste obradoiro, Josiño comezou cunha das súas regueifas. Segundo os rapaces e rapazas, a mellor parte foi cando falou sobre a súa escaseza de pelo, comparándoa cun aeroporto.
Despois disto explicou os tipos de estrofas que utilizan nos distintos países do mundo e a teoría que terían que seguir despois os asistentes para facer as súas propias regueifas.
Cada neno se presentou cun verso ao ritmo que deberían ter as regueifas e, por último, fixeron varias regueifas completas por grupos.
Ao parecer, este obradoiro foi bastante aplaudido polos rapaces e xa teñen ganas de seguir facendo regueifas para presentarse a un concurso onde se competirá con outros institutos de Vigo.
Sara Carrera Jennings (2º ESO C)
O 14 de outubro fixemos un obradoiro de regueifas moi divertido. O monitor chamábase Josiño e ensinounos cousas sobre a historia de distintas variedades de música en distintas culturas. Ademais, fixo demostracións con improvisación e, máis tarde, convidounos a participar na súa cantiga.
Logo fixemos a nosa propia regueifa en grupos e cantámola en voz alta para mellorala coa axuda do monitor.
Pareceume unha actividade moi divertida que nos axuda a aprender máis cousas da nosa cultura e do pasado da nosa Terra
O xoves desta semana
iremos facer regueifas,
competir con outro nenos
que vergoña me entra!
Sabela Vázquez Castro (2º ESO C)
Encántame o instituto,
aprendo moito na clase
con todos os profesores
Oxalá isto non se acabe!
Laura Arnaiz González (2º ESO D)
Mañá temos un exame,
púxonolo Adrián.
Non sei que nota terei,
vou porme a estudar.
Roque González Batán (2º ESO C)
O meu amigo Josiño,
ensinounos o pasado,
improvisou as regueifas
e viña moi ben peiteado.
Sara Carrera Jennings (2º ESO C)
Grazas ao profe Josiño
que nos ensinou regueifas
podo facer esta peza
sen erros nin incoherencias.
Victoria Cal Fernández (2º ESO C)
Como eu son un transformer,
transformeime en bicicleta.
Converterme en un avión
será a seguinte meta.
Ada Brea Fernández (2º ESO D)